Göyçay gəncləri Azərbaycan Könüllülərinin Əlaqələndirmə Mərkəzinin keçirdiyi “Bir-birimizi qoruyaq” kampaniyasında fəal iştirak edirlər.
Gənc könüllülər pandemiya ilə bağlı aparılan maarifləndirmə tədbirlərində fəallıq göstərirlər. Onlar əhalinin daha sıx olduğu yerlərə, o cümlədən bankomat və terminallara, ictimai iaşə və ticarət obyektlərinə gələrək koronavirus pandemiyasının təhlükəsi, tətbiq olunan karantin rejiminin tələbləri barədə maarifləndirici söhbətlər aparır, tibbi maskadan düzgün istifadə qaydasını əks etdirən flayerlər paylayır, obyektlərə müxtəlif maarifləndirici stikerlər yapışdırırlar.
“Aralı əyləşin, sağlam olun”, “Sağlamlıq məsafəsi saxlayın”, "Məsafə saxla", "Bir-birimizi qoruyaq" kimi üzərində şüarlar olan yazılı stikerlər həm də parklara, avtobuslara və taksilərə yapışdırılır.
