"Sidikdə qoxu uşaqlarda gizli keçən sidik yolu infeksiyasının əsas əlamətlərindəndir".

Bu barədə Pediatr Günay Rəsulova sosial şəbəkədə məlumat verib.

Həkimin sözlərinə görə, analar körpənin sidiyindən gələn xoşagəlməz qoxuya diqqət etməlidirlər. Bundan başqa, əgər körpədə iştahsızlıq, ümumi narahatlıq, ögümələr, ara-sıra baş verən qusmalar, qarında ağrı, sidiyin rəngində nəzərəçarpan tündləşmə, sidiyin miqdarında azalma (bezin az dolması və ya dolmaması), sidiyə getmə zamanı ağrı, damcı-damcı sidiyə getmə, bezdə qırmızı ləkə, sidikdə qan kimi narahatlıqlar varsa uşağı mütləq Pediatr müayinəsindən keçirməlisiniz.

Gecikmiş, zamanında diaqnozu qoyulmamış sidik yolu infeksiyası böyrəklərdə ağırlaşmaya səbəb ola bilər. İlk 5 yaş uşaqlarda böyrək çatışmazlığının əsas səbəbi təkrarlanan sidik yolu infeksiyasıdır. Bu səbəbdən valideynlər körpədə baş verən ən kiçik narahatlıqları Pediatr ilə bölüşməlidirlər.