Bu yaxınlarda məlum olub ki, bitki pəhrizi metabolizmi sürətləndirmək və çəkini azaltmaq imkanına malikdir. Dünyada aparılan bir neçə tədqiqat bitki pəhrizinin böyrəklərin sağlamlıq vəziyyətinə, ağ ciyərlərə və bütovlükdə orqanizmə müsbət təsir etdiyini müəyyən edib.

Aztibb.az meddaily.ru-ya istinadən xəbər verir ki, Amerika Kardiologiya Kollecinin jurnalında bildirilir ki, bitki pəhrizi yağlarla zəngin pəhrizlə müqayisədə, ürək çatışmazlığı riskini 41%-ə qədər azaltmağa kömək edə bilər.

Könüllülər 16 həftə boyunca xüsusi pəhrizə riayət ediblər. Onların birinci qrupu meyvələr, tərəvəzlər və dənli və paxlalı bitkilərlə zəngin pəhriz qəbul edib, ikinci qrup isə öz mövcud rasionuna dəyişikliklər etməyib.

Bitki pəhrizinə riayət etmiş qrupda yeməkdən sonra kalorilərin yandırılması prosesində artım (təxminən 18,7%) müşahidə olunub. Digər qrupda isə əhəmiyyətli dəyişiklik baş verməyib. Birinci qrup, həmçinin orta hesabla 6,4 kiloqram arıqlayıb. Bu qrupda bədənin toxumalarında piy ehtiyatlarının azalması qeyd edilib, bu isə 2-ci tip diabetin inkişafı riskini azalda bilər.

Mütəxəssislər göyərti, tərəvəzlər, meyvələr, çərəzlər, tumlar, dənli bitkilər, paxlalılar və paxla məhsullarını rasiona mütləq əlavə etməyi məsləhət görürlər.