Qan çatışmazlığı səbəbindən həyatını itirmək təhlükəsi altında olan və ya vaxtaşırı qan köçürməyin tələb olunduğu xəstəlikləri olan insanlara qan vermək vacibdir. Hər bir sağlam insan ildə 2 dəfə qan verə bilər. Qan vermək insanın sağlamlığı üçün faydalıdır. Çəkisi təxminən 50 kiloqram və yaşı 18-65 arasında olan hər bir sağlam adam qan verə bilər. 

Aztibb.az xarici KİV-ə istinadən qanvermənin faydalarını təqdim edir:

- orqanizmdə qan hüceyrələri təzələnir;
- qanda yağın miqdarı aşağı düşür;
- ürək xəstəlikləri riski 90% azalır;
- qan vermək bədəni cavanlaşdırır;
- sağlam həyat tərzi üçün ildə 1 dəfə qan vermək faydalıdır;
- qan verən adam özünü yüngül və rahat hiss edir;
- qan verən adamın qanyaradıcı orqanları fəaliyyətini gücləndirir və yeni qan yaratmaq üçün hərəkətə başlayır.

Lakin qanvermənin faydaları ilə yanaşı, bir sıra əks təsirləri də var. Qanvermədən sonra donorda aşağıdakı əlamətlər baş verə bilər:

- ürək bulanma
- baş gicəllənmə
- titrətmə və tərləmə
- stres
- baş gicəllənməsi
- yıxılma hissi
- əzələlərdə və dodaqlarda qıcolmalar və s.