Aztibb.az xəbər verir ki, bunu Mərkəzi Gömrük Hospitalının tanınmış həkimi, Barselona Skolioz Məktəbində ixtisaslaşmış həkim-fizioterapevt Səidə Kərimova deyib. 

 

O qeyd edib ki, idiopatik skoliozun erkən mərhələlərdə deformasiyadan başqa heç bir əlamətlə özünü biruzə vermədiyini nəzərə almaq lazımdır:

 

"Skoliozun yuxarı dərəcələrində və ciddi əzələ disbalanslarında ağrılar əmələ gələ bilər. Ona görə uşağınızda onurğa ağrıları yaranarsa mütləq fizioterapevt müayinəsinə aparın.

 

Skoliozun müayinəsi fizikal vizual baxışdan başlayır. Bu müayinədə bəzi nahiyələrə xüsusi diqqət yetirmək lazımdır. Bu valideynlər üçün faydalı məlumatlardır".

 

 

 

Sadə bir test olan Adams testi də aparıla bilər. Pasiyent qabağa əyilir və biz pasiyentin kürək və ya bel nahiyəsində qabarmanın olub olmamasına fikir veririk. Qabarmalar onurğada fəqərələrin rotasiyası hesabına əmələ gəlir. Qeyd etdiyimiz kimi fəqərələr öz oxu ətrafında fırlanır. Bunun baş verməsinin səbəbi hələ də tam aydın bilinmir.

Vizual müayinədən sonra pasiyenti rentgenə göndəririk. Rentgen skoliozun dərəcəsini bizə göstərir. Eyni zamanda, rentgendə sümüklərin bağlanma zonalarını qiymətləndiririk.

Müayinədən sonra skolıozun dərəcəsi, pasiyentin yaşı və digər faktorlardan asılı olaraq müalicə planı hazırlanır", - deyə, fizioterapevt Səidə Kərimova deyib.