Alimlər virusa qarşı dərmanların yaradılması üçün bu kəşfdən istifadə etməyi planlaşdırırlar.
Molekulyar bioloqlar ilk dəfə aşkar ediblər ki, yeni növ koronavirus insanın hüceyrələrinə yalnız ACE2 "ağciyər" reseptorundan istifadə etməklə deyil, həm də xolesterinin molekullarını tanıyan SRB1 reseptorlarından istifadə edərək nüfuz edir.
Aztibb.az tass.ru-ya istinadən xəbər verir ki, bu barədə "Nature Metabolism" elmi jurnalında dərc edilmiş məqalədə məlumat verilir.
"ACE2 reseptorunun işini bloklayan preparatlar koronavirus infeksiyanı daha yüngül keçirməyə imkan verir. Biz güman edirik ki, SRB1 ilə əlaqəli maddələr koronavirusa qarşı oxşar təsirə malik olacaq. Artıq müəyyən olunub ki, hepatit C ilə mübarizə üçün tətbiq edilən, SRB1 ilə əlaqəli ITX 5601 preparatı SARS-cov-2-nin də orqanizmdə yayılmasını dayandıra bilər", - deyə alimlər vurğulayıblar.