Kimya İnstitutunun tədqiqatları Çexiyada beynəlxalq konfransda təqdim olunub
15.11.2026 13:46

Elm və Təhsil Nazirliyi Kimya İnstitutunun Biomimetik katalizatorlar və sensorlar laboratoriyasının müdiri kimya üzrə fəlsəfə doktoru Nuranə Məlikova və laboratoriyanın elmi işçisi doktorant Gülşən Nəhmətova Çexiyanın Praqa şəhərində hibrid formatda keçirilən “Kimya sahəsində nailiyyətlərə dair III Beynəlxalq Doktorantlar Konfransı”nda (IDCAC 2026) iştirak ediblər.

 

Bu barədə Aztibb.az-a institutdan bildirilib.

 

Konfrans çərçivəsində institutda aparılan elmi tədqiqatların nəticələri beynəlxalq elmi ictimaiyyətə təqdim olunub. Gülşən Nəhmətova konfransda biomimetik katalizatorların iştirakı ilə metanın hidrogen peroksidlə birbaşa oksidləşməsi, metanol və dimetil efirin alınması, həmçinin prosesin mexanizmi və kinetik qanunauyğunluqlarının öyrənilməsi istiqamətində aparılan tədqiqatlardan bəhs edib. Səfər çərçivəsində Nuranə Məlikova Praqa Kimya-Texnologiya Universitetində akademik əlaqələrin inkişafı istiqamətində görüşlər keçirib. İnstitutun hər iki əməkdaşı universitetin elmi-tədqiqat infrastrukturu və laboratoriyalarının fəaliyyəti ilə tanış olublar. Analitik kimya və fiziki-kimyəvi analiz laboratoriyalarında aparılan tədqiqatlar, tətbiq olunan metodlar və müasir avadanlıqlar barədə məlumat əldə ediblər. Bundan əlavə, institutun əməkdaşları 1,5 milyondan çox ədəbiyyat nümunəsinin saxlanıldığı Çexiya Milli Texniki Kitabxanasının (NTK) fəaliyyəti ilə tanış olublar.

Nərgiz Qəhramanova
Müəllifin digər yazıları
ÇOX OXUNANLAR
 Mərkəzi Gömrük Hospitalının patomorfoloqları 35-ci Milli Patologiya Konqresində iştirak ediblər   
Alimlər həyatın heç vaxt mövcud olmadığı Yer kürəsinin necə görünəcəyini modelləşdiriblər
 Cəbrayıl RMX-da mövsümi qripə qarşı vaksinasiya prosesinə başlanılıb   
44 günlük Vətən müharibəsində əldə olunan tarixi Zəfər cəmiyyətin ideoloji birliyini daha da möhkəmləndirib
Şirvan Şəhər Mərkəzi Xəstəxanasının rəhbərliyi şəhid ailəsini ziyarət edib
Tibb işçilərinin bilik və bacarıqlarının artırılması istiqamətində tədbirlər davam etdirilir
Cəlilabad RMX-nın tabeliyində fəaliyyət göstərən Ailə Sağlamlıq Mərkəzlərinə baxış keçirilib
BP-nin Vitse-Prezidenti Respublika Diaqnostika Mərkəzində miqrasiya üçün xüsusi müayinə xidməti ilə tanış olub
Sumqayıt Tibb Mərkəzi tərəfindən Zəfər Günü münasibətilə 300 zeytun ağacı əkilib
Vitamin C haqqında nə qədər məlumatlısınız?
 Beyləqanın Qəhrəmanlı kənd sakinləri üçün səyyar tibbi müayinə keçirilib   
Azərbaycan Tibb Universitetində Zəfər Gününə həsr olunmuş silsilə tədbirlər keçirilib
 Bərdə Rayon Ağsaqqallar Şurasının üzvləri Bərdə RMX-nın Hemodializ şöbəsini ziyarət ediblər   
Vüqar Fərhadov Gəncə Beynəlxalq Xəstəxanasında pasiyentləri qəbul edəcək
 Mərkəzi Gömrük Hospitalının rəis müavini Türkiyədə beynəlxalq təlimdə iştirak edib