TƏBİB-in “Uşaqların icbari dispanserizasiyadan keçirilməsinə dair Dövlət Proqramı” çərçivəsində həyata keçirdiyi tədbirlər davam etdirilir.

Bu barədə Aztibb.az-a TƏBİB-dən xəbər verilib.

Cəbrayıl Rayon Mərkəzi Xəstəxanasının tibb heyəti tərəfindən Şükürbəyli kənd həkim məntəqəsində 60-a yaxın uşağın ilkin tibbi müayinəsi aparılıb.

Müayinələr zamanı sağlamlıq vəziyyəti qiymətləndirilən uşaqlardan xəstəlik aşkarlananların valideynlərinə və məktəb rəhbərliyinə məlumat verilib. Həmin uşaqlara əlavə müayinələrdən keçmək və müvafiq müalicəyə başlamaq tövsiyə olunub.

Qeyd edək ki, icbari dispanserizasiyanın əsas məqsədi uşaqlar arasında xəstəliklərin erkən aşkarlanması, sağlamlıqlarının qorunması və xəstəliklərin qarşısının alınmasıdır.