Dünya futbolunun canlı əfsanəsi Dieqo Armando Maradona bu gün 60 yaşında dünyasını dəyişib.

Aztibb.az xəbər verir ki, qəflətən ürəyi dayanan Maradona ağır vəziyyətdə xəstəxanaya çatdırılsa da, onun həyatını xilas etmək mümkün olmayıb.

Əfsanəvi oyunçu bir neçə gün öncə beyin əməliyyatı keçirmişdi.

Qeyd edək ki, Maradona futbolçu karyerası ərzində əsasən “Barselona” (1982-84) və “Napoli”də (1984-91) oynaması ilə tanınıb. Argentina millisinin kapitanı olan əfsanəvi hücumçu 1986-cı dünya çempionu, 4 il sonra vitse-çempionu adına yiyələnib. Neapol klubu ilə iki dəfə İtaliya çempionu adını qazanan Maradona narkotiklə bağlı qalmaqallar, həmçinin DÇ-1986-nın 1/4 finalında İngiltərəyə əllə vurduğu qolla da diqqət mərkəzində olub.

Argentina Prezidenti Alberto Fernandes əfsanəvi futbolçu Maradonanın ölümü əlaqədar olaraq ölkədə üçgünlük matəm elan edib.