Rusiyada 2026–2027-ci illər mövsümü üçün qrip peyvəndinin hər üç komponenti 2025-ci ildən bəri müşahidə olunan yeni virus variantları nəzərə alınmaqla yenilənib.
Aztibb.az "Medvestink"ə istinadən yazır ki, həkim-immunoloq Vladimir Bolibokun bildirdiyinə görə, bu dəyişikliklər infeksiyanın yayılma dinamikasına əsaslanır.
Şimal yarımkürəsində yay fəsli hökm sürərkən mütəxəssislər Cənub yarımkürəsində qış mövsümündə sirkulyasiya edən ştamları araşdırıblar. Əldə olunan məlumatlar preparatların tərkibinin seçilməsində istifadə olunub. Yenilənmə A qrippinin iki variantını (H1N1 və H3N2), eləcə də B qrippinə qarşı komponenti əhatə edib.
Mütəxəssis vurğulayıb ki, oktyabrın sonu, noyabrın əvvəlində gözlənilən xəstələnmə artımına qarşı peyvəndlərin tərkibi yeni şatmlara uyğunlaşdırılıb. Komponentlərin dəyişdirilməsi əvvəlki tərkibin yanlış olması demək deyil, sadəcə vaksin dəyişən virusa adaptasiya olunur. İmmun cavabın vaxtında formalaşması üçün xəstəliyin pik həddinə qədər peyvənd olunmaq böyük əhəmiyyət kəsb edir.
