“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Tovuz Rayon Mərkəzi Xəstəxanasının Aşağı Öysüzlü Kənd Həkim Məntəqəsinin müdiri, terapevt-ailə həkimi Kərimova Flora Həsən qızı haqqında məlumatları təqdim edirik.

 
Flora Kərimova 20 aprel 1957-ci ildə Tovuz şəhərində anadan olub. 1974-cü ildə N. Nərimanov adına Azərbaycan Dövlət Tibb İnstitutuna qəbul olunub. 1980–1981-ci illərdə Gəncə şəhərində A. Səhhət adına xəstəxanada internatura keçib.

O, 1981-1983-cü illərdə təyinatla Xanlar rayon şəhər poliklinikasında terapevt vəzifəsində çalışıb. 1986-cı ildən etibarən Aşağı Öysüzlü Kənd Həkim Məntəqəsinə rəhbərlik edir.

Ömrünün böyük bir hissəsini insan sağlamlığının keşiyində dayanmağa, kənd sakinlərinə tibbi yardım göstərməyə həsr edib.
Flora xanımın uzun illər ərzində göstərdiyi fədakar xidmət, insanlara qayğısı və həkimlik peşəsinə sədaqəti onu həmkarları və kənd sakinləri arasında hörmət qazanan ziyalılardan birinə çevirib.