Şirvan Şəhər Mərkəzi Xəstəxanasında tibb işçilərinin bilik və praktiki bacarıqlarının artırılması məqsədilə “Böyrək sancıları zamanı yardım” mövzusunda təlim keçirilib.

Xəstəxanadan Aztibb.az-a verilən xəbərə görə, təlim təlim üzrə koordinatoru Xəyalə Ağayeva tərəfindən təşkil olunub.

Təlimdə xəstəxananın təlim üzrə koordinatoru Xəyalə Ağayeva, təlimçi, həkim-nefroloq Firuzə Həsənli, baş tibb bacısı Samirə Quliyeva, tibb bacısı Fatma Eyubova və xəstəxana kollektivi iştirak edib.

Təlim zamanı böyrək sancısının mahiyyəti, ilk 5 dəqiqədə ABCDE yanaşması və “red flags”, laborator qiymətləndirmə, spazmolitiklərin istifadəsi, venadaxili maye terapiyasının tətbiqi, spontan düşə bilən daşlar, analgeziyaya cavab verməyən böyrək sancısı zamanı yanaşma, hospitalizasiya və uroloji konsultasiya üçün əsas göstərişlər, eləcə də təcili yardım alqoritmi barədə ətraflı məlumat verilib.

Sonda iştirakçıların sualları cavablandırılıb və mövzu ətrafında fikir mübadiləsi aparılıb.