29 sentyabr – Dünya Ürək Günü münasibətilə Azərbaycan Ürək və Damar Cərrahiyyəsi Cəmiyyəti tərəfindən gənc mütəxəssislər üçün “Minimal invaziv mitral qapaq təmiri” kursu təşkil olunub.

 

Bu məlumat Aztibb.az-a Azərbaycan Ürək və Damar Cərrahiyyəsi Cəmiyyətindən verilib.

 

Kurs çərçivəsində iştirakçılara mitral qapaq cərrahiyyəsində minimal invaziv yanaşmalar və müasir cərrahi üsullar barədə nəzəri məlumatlar təqdim olunub, daha sonra xüsusi simulyatorlar üzərində praktiki məşğələlər keçirilib. Təlim zamanı real kardiocərrahi əməliyyatların simulyasiya edilmiş versiyaları üzərində işləyən iştirakçılar cərrahi texnikalarını və praktiki bacarıqlarını təkmilləşdirmək imkanı əldə ediblər.

 

Qeyd edək ki, “Minimal invaziv mitral qapaq təmiri” kursu Azərbaycan Respublikası Səhiyyə Nazirliyinin Elmi-Tibbi Şurası tərəfindən akkreditasiya olunub və 4 kredit balı ilə qiymətləndirilib.