Uşaq endokrinologiyası üzrə mütəxəssis dosent doktor Özge Yüce uşaqlarda yetkinlik dövrünün normadan erkən başlamasının fiziki inkişafla yanaşı, yetkinlik yaşındakı boy göstəricisinə də təsir edə biləcəyini bildirərək valideynləri erkən əlamətlərə diqqət yetirməyə çağırıb.

Aztibb.az "Posta" saytına istinadən yazır ki, uşaqlarda yetkinlik dövrünün normadan erkən başlamasının fiziki inkişafla yanaşı, yetkinlik yaşındakı boy göstəricisinə də təsir göstərə biləcəyini bildirən Uşaq Endokrinologiyası üzrə mütəxəssis dosent doktor Özge Yüce valideynləri erkən əlamətlərə qarşı diqqətli olmağa çağırıb.

Mütəxəssis bildirib ki, qızlarda süd vəzilərinin inkişafının başlaması, qoltuqaltı və cinsiyyət nahiyəsində tüklənmə, boyun sürətlə uzanması; oğlanlarda isə xayaların və cinsiyyət orqanının böyüməsi, tüklənmə, səsin qalınlaşması və sürətli böyümə kimi dəyişikliklər erkən yetkinlik baxımından qiymətləndirilməlidir.

Qızlarda 8, oğlanlarda isə 9 yaşdan əvvəl başlayan bu əlamətlərin ciddi qəbul edilməsinin vacibliyini vurğulayan Özge Yüce qeyd edib ki, yetkinlik hormonlarının erkən dövrdə aktivləşməsi böyümə sürətinin artmasına səbəb ola bilər.