Mərkəzi Gömrük Hospitalının Ümumi Cərrahiyyə şöbəsinin rəisi, ümumi cərrah, t.ü.f.d. Namiq Novruzov Naxçıvanda keçirilən I Beynəlxalq Tibb Günləri tədbirində “Mekkel divertikulunun cərrahi ağırlaşmaları” mövzusunda məruzə ilə çıxış edib.

 

Hospitaldan Aztibb.az-a verilən xəbərə görə, Namiq Novruzov çıxışında mekkel divertikulunun nadir, lakin ciddi fəsadlara səbəb ola bilən cərrahi patologiyalardan biri olduğunu, mekkel divertikulunun cərrahi ağırlaşmaları, onların klinik xüsusiyyətləri, diaqnostik yanaşmalar və cərrahi müalicə prinsipləri, eləcə də diaqnostikanın və düzgün müalicə taktikasının əhəmiyyətini vurğulayıb.

 

Mövzu ətrafında aparılan müzakirələrdə müasir diaqnostik imkanlardan səmərəli istifadə, xəstənin klinik vəziyyətinin düzgün qiymətləndirilməsi və fərdi yanaşma əsasında optimal cərrahi taktikanın seçilməsinin vacibliyi qeyd olunub.