Səhiyyə Nazirliyi Respublika QİÇS-lə Mübarizə Mərkəzi tərəfindən “Uşaq Hüquqları Aylığı” çərçivəsində Şamaxı şəhərində Texniki, Humanitar və Təbiət Fənləri Təmayüllü İnternat Tipli Liseydə İİV infeksiyası ilə bağlı maarifləndirmə tədbiri təşkil edilib.
Bu barədə Aztibb.az-a Mərkəzdən bildirilib.
Tədbirdə Respublika QİÇS-lə Mübarizə Mərkəzinin Şamaxı Regional Laboratoriyasının mütəxəssisi Nənəqız Qəniyeva xüsusi təqdimatla çıxış edərək İnsanın İmmunçatışmazlığı Virusu (İİV), Qazanılmış İmmun Çatışmazlığı Sindromu (QİÇS), yoluxma yolları, qorunma üsulları və müalicə imkanları barədə ətraflı məlumat verib.
Gənclər sağlam həyat tərzinə üstünlük verməyə və məsuliyyətli davranmağa çağırılıb, həmçinin narkomaniyanın fəsadlarından danışılıb.
Tədbir interaktiv formatda davam edib, şagirdlərin sualları cavablandırılıb, sonda maarifləndirici broşür və bukletlər paylanıb.

