Masallı Rayon Mərkəzi Xəstəxanasında müasir tibbi avadanlıqlarla təchiz edilmiş yeni oftalmoloji kabinet fəaliyyətə başlayıb.

Xəstəxanadan Aztibb.az-a verilən məlumata görə, kabinetdə ilk dəfə Biləsuvar və Lənkəran sakinləri olan iki pasiyent üzərində katarakta əməliyyatı uğurla icra edilib.

Yeni kabinetdə katarakta ilə yanaşı, qlaukoma, ptoz, göz qapaqları və göz yaşı kanalları üzrə əməliyyatlar, xalazionun müalicəsi, eləcə də digər oftalmoloji müayinə və müalicə xidmətlərinin göstərilməsi nəzərdə tutulur.

Yeni xidmətlər Masallı və ətraf rayonların sakinləri üçün oftalmoloji tibbi xidmətlərin daha əlçatan olmasına imkan yaradacaq.