Çində aparılan kiçikmiqyaslı yeni gen redaktəsi tədqiqatında eksperimental iynənin bir dozasının müalicədən sonrakı 6 ay ərzində “pis” xolesterin kimi tanınan LDL xolesterinin səviyyəsini təxminən yarıya endirdiyi müəyyən edilib.
Aztibb.az "İndependent" nəşrində istinadən yazır ki, bu müalicə qanda xolesterin səviyyəsinin həddindən artıq yüksəlməsinə səbəb olan və həyati təhlükə yarada bilən irsi xəstəlik – ailəvi hiperkolesterolemiya üçün hazırlanır.
Bu xəstəlikdən əziyyət çəkən insanlarda infarkt riski sağlam insanlarla müqayisədə 10–20 dəfə yüksək ola bilər və xəstələr adətən ömür boyu dərman müalicəsinə ehtiyac duyurlar.
Yeni yanaşma gen redaktəsi vasitəsilə xəstəliyin əsas mexanizmlərindən birinə təsir göstərməyi hədəfləyir. İlkin nəticələr ümidverici olsa da, müalicənin təhlükəsizliyini və uzunmüddətli effektivliyini müəyyənləşdirmək üçün daha geniş klinik tədqiqatlara ehtiyac var.
