Mağazalarda satılan yarımfabrikatlardan həddindən artıq istifadə çəki artımına səbəb olur və ürək-damar xəstəliklərinin inkişaf riskini artırır. Buna görə də belə məhsulların ayda iki-üç dəfədən çox istehlak edilməməsi tövsiyə olunur.

Aztibb.az NEWS.ru-ya istinadən yazır ki, bu barədə məşqçi-nutritionist Olqa Yablokova məlumat verib.

Onun sözlərinə görə, bu tip məhsulların tərkibində orqanizm üçün zərərli olan həddindən artıq miqdarda duz, şəkər, transyağlar və müxtəlif texnoloji əlavələr ola bilər.

Ekspert bildirib ki, gündəlik qidalanmanın əsasını təbii və bütöv məhsullardan ev şəraitində hazırlanmış yeməklər təşkil etməlidir. Rasionda taxıl məhsulları, tərəvəzlər, ət və balıq üstünlük təşkil etməlidir.

Mütəxəssis qeyd edib ki, mağazada satılan hazır məhsullardan tamamilə imtina etmək mümkün olmadıqda, onların qablaşdırılmasındakı tərkib siyahısını diqqətlə nəzərdən keçirmək lazımdır.

Onun sözlərinə görə, inqrediyentlər siyahısının ilk sıralarında nişasta, bitki yağları və dad gücləndiriciləri deyil, təbii komponentlər yer almalıdır.