12 yaş ətrafında qız uşağının beynində həyatın ilk illərindən sonra ən böyük yenidənqurma proseslərindən biri başlayır.

Aztibb.az "Zdravclub"a istinadən yazır ki, valideynlər bu dövrdə baş verən davranış dəyişikliklərini bəzən sadəcə “üsyankarlıq” kimi qəbul edirlər.

Məntiq və özünənəzarətə cavabdeh prefrontal korteks tam olaraq təxminən 25 yaşa qədər inkişafını davam etdirir. Bu səbəbdən yeniyetməlik dövründə emosional reaksiyalar bəzən məntiqi düşüncədən daha güclü ola bilər.

Yetkinlik dövründə estrogen səviyyəsində ciddi dəyişikliklər baş verir. Hormonal dəyişikliklər beyindəki proseslərə təsir göstərə və əhval-ruhiyyənin dəyişməsində rol oynaya bilər. Buna görə də bu dəyişiklikləri hər zaman “ərköyünlük” və ya “kapriz” kimi qiymətləndirmək düzgün deyil.

Valideynlə təhlükəsiz və dəstəkləyici münasibət yeniyetmənin stressi idarə etməsinə, emosional sabitliyinə və psixoloji rifahına müsbət təsir göstərə bilər.

Yeniyetməyə yalnız cəza vermək deyil, onu dinləyən, anlayan və yanında olan bir böyüyün dəstəyi lazımdır. Çünki onun beyni və emosional dünyası həyatının ən mühüm inkişaf mərhələlərindən birini yaşayır.