Kolonoskopiya təkcə xəstəliyi müəyyən edən diaqnostik üsul deyil, həm də onun qarşısını alan güclü profilaktikadır.

Aztibbaz xəbər verir ki, ümumi cərrah, cərrah-proktoloq və endoskopist, tibb üzrə fəlsəfə doktoru Anar Əliyevin sözlərinə görə, bağırsaq xərçənglərinin əhəmiyyətli hissəsi əvvəlcə kiçik polip şəklində formalaşır.

"Yoğun bağırsaq xərçəngi erkən mərhələdə çox vaxt heç bir əlamət və narahatlıq vermədiyi üçün xəstəliyi vaxtında aşkar etmək həyati əhəmiyyət daşıyır. Müayinə zamanı həkim həmin polipləri ilkin mərhələdə aşkarlayır və elə prosedur əsnasında xaric edərək onların bədxassəli şişə çevrilmə riskini tamamilə aradan qaldırır", - deyə həkim qeyd edib.

Ekspert bildirib ki, məhz buna görə vaxtında icra edilən profilaktik kolonoskopiya, xəstəliyin qarşısını birdəfəlik almaq baxımından ən dəyərli və etibarlı addımdır.