Çinli həkimlər bədbəxt hadisə nəticəsində hər iki ayağını itirmiş 51 yaşlı pasiyentə nadir və mürəkkəb replantasiya əməliyyatı həyata keçiriblər.

Aztibb.az "South China Morning Post"a istinadən yazır ki, bud səviyyəsində aşağı ətrafların uğurlu replantasiyası ilə bağlı dünyada ilk belə hadisə kimi təqdim olunur. 

Pasiyent 2024-cü ilin sonunda zavodda baş verən bədbəxt hadisə nəticəsində hər iki ayağını itirib.

Xəstəxananın travma ortopediyası şöbəsinin müdiri Li Çansonq yerli xəbər agentliyi "Yangtze Evening Post"a bildirib ki, pasient sonradan lokal dəri nekrozu inkişaf etdirib və zədələnmiş toxumanı bərpa etmək üçün flap əməliyyatı tələb olunub.

Ağır açıq sınıqlar sonradan pasientin bud sümüklərinin və ya femurların düzgün birləşməsinin qarşısını alıb - bu, birləşməmə kimi tanınan və sağalması üçün əlavə cərrahi müdaxilə tələb edən bir komplikasiyadır.

Xəstə hər iki bud sümüyünü bərkitmək üçün sümük transplantasiyası və möhkəmləndirmə əməliyyatı lazım olub, cərrahlar daxili metal lövhələr və vintlərdən istifadə ediblər.

Əməliyyat Çinin şərqindəki Tszyansu əyalətinin Suçjou şəhərində yerləşən Ortopediya Xəstəxanasında aparılıb və təxminən səkkiz saat davam edib.

Əməliyyatdan bir ildən çox müddət sonra pasiyent əvvəlcə ayaqlarını qaldıra, daha sonra isə xüsusi dayaq vasitəsinin köməyi ilə ayaq üstə dura və yeriyə bilib. Hazırda onun reabilitasiya prosesi davam edir.