Dünyada 300 milyondan çox insanın xroniki hepatit B (HBV) və ya hepatit C (HCV) virusuna yoluxduğu, lakin onların böyük əksəriyyətinin diaqnoz qoyulmadığı üçün xəstəliyindən xəbərsiz olduğu bildirilir.

Aztibb.az xəbər verir ki, hepatit B və C uzun illər heç bir əlamət vermədən inkişaf edə bilər və vaxtında aşkar edilmədikdə qaraciyər sirrozu, fibroz və qaraciyər xərçəngi kimi ağır fəsadlara səbəb ola bilər.

Xəstəliyin gizli gedişinin qarşısını almağın ən effektiv yolu geniş skrininq proqramlarının həyata keçirilməsi, risk qruplarının müayinədən keçirilməsi və erkən diaqnozdur.