Tündşokolad qədərində istehlak edildikdə sağlam qidalanmanın bir hissəsi ola bilər. Tədqiqatlar göstərir ki, tərkibində ən azı 70 faiz kakao olan acı şokolad flavanollar adlı antioksidantlarla zəngindir.
Aztibb.az xəbər verir ki, bu maddələr damar funksiyasını dəstəkləyə, qan dövranını yaxşılaşdıra və ürək-damar sağlamlığına müsbət təsir göstərə bilər.
Bununla yanaşı, acı şokolad yüksək kalorili məhsul olduğundan gündə 20-30 qramdan artıq istehlak edilməsi tövsiyə olunmur. Araşdırmalar onun təkbaşına arıqlamağa kömək etdiyini təsdiqləmir. Mütəxəssislər acı şokoladın sağlam qidalanma rasionunda südlü şokolada nisbətən daha yaxşı seçim olduğunu, lakin onun da həddindən artıq qəbul edilməsinin artıq kalori və doymuş yağ qəbuluna səbəb ola biləcəyini bildirirlər.
Həmçinin qeyd olunur ki, acı şokoladın tərkibində müəyyən miqdarda kofein var. Bu səbəbdən kofeinə həssas şəxslərə, xüsusilə axşam saatlarında yüksək kakao tərkibli şokoladları ehtiyatla istehlak etmək tövsiyə edilir. Mütəxəssislər məhsul seçərkən kakao faizinə və tərkib siyahısına diqqət yetirməyi məsləhət görürlər.