Konqo Demokratik Respublikasında “Ebola” virusuna təsdiqlənmiş yoluxma hallarının sayı 3360-a yüksəlib, ölənlərin sayı isə 1487 nəfərə çatıb.

Aztibb.az xəbər verir ki, Ümumdünya Səhiyyə Təşkilatının məlumatlarına görə, epidemiyanın real səviyyəsi rəsmi bəyanatlarda göstərilənlərdən iki və ya dörd dəfə çox ola bilər.

Bildirilir ki, mayın 15-də Konqonun şərqində elan olunan Ebola epidemiyasının “Bundibugyo” ştamı daha sürətlə yayılır. Bu ştama qarşı hazırda təsdiqlənmiş peyvənd və ya xüsusi müalicə üsulu mövcud deyil.