Bakı Baş Səhiyyə Mərkəzinin strukturuna daxil olan 1 nömrəli Birləşmiş Uşaq Xəstəxanasının baş həkimi Fikrət Zeynalov və 27 nömrəli Şəhər Poliklinikasının baş həkimi Sevinc Yusifova işdə olmanın son yaş həddi ilə əlaqədar olaraq təqaüdə yola salınıb. Bununla əlaqədar Bakı Baş Səhiyyə Mərkəzində tədbir keçirilib.

BBSM-dan Aztibb.az-a bildirilib ki, tədbirdə Mərkəzin direktoru vəzifəsini icra edən direktorun müavini Nərgiz Şərifova, direktorun müavinləri Leyla Şərifova, Fərman Məmmədov, həmçinin şöbə müdirləri və digər əməkdaşlar iştirak edib.

N.Şərifova hər iki baş həkimə səhiyyə sahəsindəki xidmətlərinə görə öz təşəkkürünü bildirib.

Tədbirdə çıxış edənlər onların səhiyyə sahəsində göstərdiyi səmərəli fəaliyyəti, tibbin inkişafına verdiyi töhfələri xüsusilə vurğulayıblar, qeyd olunub ki, hər iki həkim uzun illər ərzində yüksək peşəkarlığı, insanlara qarşı qayğıkeş münasibəti ilə seçilərək səhiyyə sisteminin inkişafına mühüm töhfələr veriblər.

Tədbirin sonunda Fikrət Zeynalov və Sevinc Yusifova səhiyyə sahəsində uzunmüddətli və səmərəli fəaliyyətinə görə Təşəkkürnamə ilə təltif edilib.