Amerika Qida və Dərman Administrasiyası (FDA) ilk dəfə olaraq statin olmayan aşağı sıxlıqlı xolesterin fraksiyasını azaldan tabletini (PCSK9 qrupundan) təsdiq edib.

 

Aztibb.az-ın www.healthline.com-a istinadən xəbərinə görə, preparatın eyni zamanda heteroziqot ailəvi hiperxolesterolemiyada (HeFH) da istifadəsi təsdiq olunub. Bu qrupdan (PCSK9) olan 6 ayda bir istifadə olunan inyeksiya forması bir neçə vaxtdır ki, istifadədədir. Lipidologiyada indiyədək statin olmayan digər preparatlar da mövcud idi. Faz 3 çalışmasında hər iki preparat və bunların kombinasiyası ilə də müqayisəli araşdırma da təqdim olunub. Enlicitide (Lipfendra-Merck) adlı preparat 20mg dozada təqdim olunub. İstifadə zamanı 6-8 saatlıq aclıq tələb olunur. Tablet qəbul olunduqdan sonra 30 dəqiqə qida qəbul etməmək tövsiyyə olunur.

 

24 həftəlik digər tədqiqatda 3207 hiperxolesterolemiyalı aterosklerotik kardiovaskulyar xəstəliyi olan və HeFH-lı pasiyent iştirak edib. Tədqiqat zamanı preparat 56-59% daha effektiv olub.

Eyni zamanda, qeyd olunan preparat böyrək çatışmazlığının da bütün dövrlərində verilə bilən preparatlar sırasına daxildir ki, bu da statinlərdən üstün xüsusiyyət hesab olunur (daha çox rozuvastatin).

Uzun illərdir xolesterin azaldan statin qrupu preparatlar geniş təyin olunur.