Bəşəriyyət tarixin bəlkə də ən böyük paradokslarından birini yaşayır. Təbiətin tarazlığını pozaraq yaratdığımız ekoloji böhranın nəticələrindən yenə təbiətə qarşı süni sipərlər qurmaqla qorunmağa çalışırıq. Qlobal istiləşmənin təsiri ilə hər il rekordlar qıran qovurucu isti dalğalarından qaçmaq üçün sığındığımız kondisionerlər, əslində qaçmağa çalışdığımız həmin o iqlim krizini daha da dərinləşdirir.

Aztibb.az "Biomedia" nəşrinə istinadən yazır ki, modern yaşamın imtina edilməz bir parçasına çevrilən və xüsusilə risk qrupundakı insanlar üçün aşırı isti havalara bağlı can itkilərinin qarşısını alan bu cihazlar, daxili məkanlarda həyat qurtarıcı bir qalxan rolunu oynayır. Ancaq təmin etdikləri bu həyati komfortun planetimiz üçün olduqca ağır nəticələri var. Çünki soyutma sistemlərinə artan tələbat, daha çox enerji istehlakına və atmosferə daha çox istixana qazının buraxılmasına səbəb olur. Bu isə dünyanı "sərinlədikcə qızınan" bir planet reallığına sürükləyir.

Nəticə etibarilə, kondisionerlərin qısamüddətli və lokal olaraq təqdim etdiyi bu rahatlıq, qlobal miqyasda ekoloji tarazlığı pozaraq uzunmüddətdə tənəffüs, ürək-damar və infeksion xəstəliklərin artmasına yol açır və beləliklə, insan sağlamlığını qorumaq üçün istifadə etdiyimiz texnologiya, qlobal səhiyyə sistemləri üçün ən böyük təhdidlərdən birinə çevrilir.