Mərkəzi Klinikada ümumi cərrah-transplantoloq Tariyel Nadirovun rəhbərliyi ilə həyata keçirilən uğurlu böyrək transplantasiyası nəticəsində son mərhələli böyrək çatışmazlığından əziyyət çəkən daha bir pasiyent sağlamlığına qovuşub.

Aztibb.az xəbər verir ki, uzun müddət böyrək problemləri səbəbindən nefroloqun nəzarətində olan xəstədə son mərhələli böyrək çatışmazlığı inkişaf etdikdən sonra onun həyat yoldaşı donor olmaq üçün həkimlərə müraciət edib. Aparılan hərtərəfli tibbi müayinələr donor və resipiyent arasında uyğunluğu təsdiqləyib.

Bundan sonra pasiyentə böyrək transplantasiyası icra olunub. Əməliyyat uğurla başa çatıb və xəstəyə qardaşının bağışladığı böyrək köçürülüb.

Mütəxəssislər qeyd edirlər ki, dializə başlamazdan əvvəl həyata keçirilən preemptiv böyrək transplantasiyası xəstələrin həyat keyfiyyətini artırır, uzunmüddətli müalicə nəticələrini yaxşılaşdırır və sağqalma göstəricilərinə müsbət təsir göstərir