Musiqi güclü emosional reaksiyalar doğurur. Ancaq yaşadığımız duyğuları yalnız səs və ya mətnlər idarə etmir. Alimlər musiqiyə emosional cavab verdiyimiz zaman stereotiplərə və keçmiş təcrübələrə müraciət etdiyimizi qeyd edir.

Aztibb.az Medikforum.ru-ya istinadən xəbər verir ki, bu barədə aparılan araşdırma nəticəsi PLOS ONE jurnalında yayımlanıb.

Araşdırmada insanların musiqiyə olan reaksiyaları ancaq musiqinin məzmunu deyil, musiqi janrı ilə də əlaqəlidir.

Baş tədqiqatçı Dr.Marko Susino qeyd edib ki, bəzi insanlar artıq musiqini dinləmədən, müəyyən musiqi janrları ilə bağlı duyğu reaksiyalarını müəyyənləşdirmiş kimi görünür.

Elm adamları öz əsərlərində mahnıların sözlərindən orijinal çıxarışlardan istifadə edib, lakin onları başqa janrlarla qeyd ediblər. Və janr etiketləri sözlərin ötürdüyü əhval-ruhiyyədən asılı olmayaraq emosional reaksiyaya təsir edə bilib.