1962-ci il təvəllüdlü kişi pasiyent qarın aortasının cırılmış anevrizması şübhəsi ilə təcili olaraq Yeni Klinikaya çatdırılıb.
Aparılan təxirəsalınmaz müayinələr ölüm riski yüksək olan diaqnozu təsdiqləyib.
Bu məlumat Aztibb.az-a Yeni Klinikadan verilib.
Vaxt itirilmədən pasiyent reanimasiya şöbəsinə yerləşdirilərək multidisiplinar komandanın operativ qərarı ilə təcili əməliyyata alınıb.
Ürək-damar cərrahiyyəsi və ümumi cərrahiyyə komandası ilə həyata keçirilən mürəkkəb əməliyyat zamanı qarın aortasının cırılmış anevrizması aradan qaldırılıb, “Aorta-bifemoral bypass” əməliyyatı icra olunub. Eyni zamanda, qan dövranı bərpa edilib, aşkar olunan ön qarın divarı yırtığının bərpası həyata keçirilib.
Bəzən bir həyatın xilası komandanın çevikliyi və vaxtında verdiyi qərarla mümkün olur.
