Azərbaycan Tibb Universitetinin Nevrologiya kafedrasının nümayəndələri — professor Aytən Məmmədbəyli, həkimlər Mədinə Tağıyeva və Ülkər Mürsəlova İtaliyanın Ferrara şəhərində keçirilən “EPNS Ferrara Course 2026 – Neonatal Neurology and Genetics in Pediatric Neurology” adlı beynəlxalq elmi kursda iştirak ediblər.
Bu məlumat Aztibb.az-a ATU-dan verilib.
Bildirilib ki, Avropa Uşaq Nevroloqları Cəmiyyətinin (EPNS) təşkilatçılığı ilə keçirilən kurs çərçivəsində əməkdaşlarımız neonatal və pediatrik nevrologiyanın aktual problemləri, genetik nevrologiya sahəsində müasir diaqnostik və terapevtik yanaşmalar, eləcə də multidissiplinar klinik idarəetmə prinsipləri üzrə elmi sessiyalara qatılıblar.
Tədbir zamanı Azərbaycan nümayəndə heyəti tərəfindən klinik hallar təqdim olunub, beynəlxalq ekspertlərlə müzakirələr aparılıb və elmi-təcrübi əməkdaşlıq imkanları dəyərləndirilib.
