Özbəkistan Respublikasının Dövlət Tibb Universitetinin nümayəndə heyətinin Səhiyyə Nazirliyinin Elmi-Tədqiqat Tibbi Bərpa İnstitutuna işgüzar səfəri baş tutub.

Universitetdən Aztibb.az-a verilən məlumata görə, səfər zamanı Özbəkistan Tibb Universitetinin nümayəndəsi, dekan Cahangir Tursunov institutun rəhbərliyi və elmi işçiləri ilə görüşüb, institutun elmi və kliniki şöbələri ilə yaxından tanış olub.

Səhiyyə Nazirliyinin Elmi-Tədqiqat Tibbi Bərpa İnstitutunun direktor vəzifəsini müvəqqəti əvəz edən dosent Nurlana Əliyeva görüş zamanı birgə əməkdaşlığın hər iki tərəf üçün əhəmiyyətli olduğunu və Türk dilli dövlətlərlə elm sahəsinin genişləndirilməsinin vacibliyini vurğulayıb.

İnstitutunun Elmi işlər üzrə direktor müavini t.ü.f.d. Sevinc Rzayeva söhbət zamanı elm sahəsində elmi əməkdaşlıqdan və gələcək prespektivlərdən söhbət aparıb.

Sonra Özbəkistan Respublikası Dövlət Tibb Universtinin rektoru və AR Səhiyyə Nazirliyinin Elmi-Tədqiqat Tibbi Bərpa İnstitutunun direktor vəzifəsini müvəqqəti əvəz edən Nurlana Əliyeva birgə əməkdaşlığa dair memorandum imzalayıblar. Əməkdaşlıq hər iki təşkilatın fəaliyyətini müxtəlif istiqamətlərini tədris, elmi araşdırmalar, kadr mübadiləsi və.s əhatə edir.