Azərbaycan Respublikası Səhiyyə Nazirliyi, Ümumdünya Səhiyyə Təşkilatının (ÜST) Azərbaycan Nümayəndəliyi, Səhiyyə Nazirliyinin “ Professor Gindes adına Uşaq və Yeniyetmələr üçün Vərəm Sanatoriyası” və "Elmi-Tədqiqat Ağciyər Xəstəlikləri İnstitutu" publik hüquqi şəxslərin birgə təşkilatçılığı ilə Ümumdünya Sağlamlıq Günü çərçivəsində “Sağlamlıq naminə birləşək. Elm ilə irəliləyək” adlı tədbir keçirilib.

 

ÜST-nin Azərbaycan Nümayəndəliyindən Aztibb.az-a verilən xəbərə görə, Ümümdünya Vərəmlə Mübarizə Gününə həsr olunmuş tədbirdə səhiyyə və sosial yönümlü dövlət qurumları və beynəlxalq təşkilatlar, o cümlədən Vərəm üzrə vətəndaş cəmiyyətinin nümayəndələri iştirak ediblər.

 

Tədbir uşaqların vərəmə qarşı mübarizəni ifadə etdikləri şəkillərdən ibarət rəsm sərgisi və bədii hissə ilə davam edib.

 

Mərasim zamanı uşaqlara vərəm və digər yoluxucu xəstəliklərdən düzgün qorunması üçün lazım olan tədbirləri, o cümlədən əl yumaq qaydaları və digər gigiyenik qaydalar haqda ətraflı məlumat verilib, bu baradə uşaqlar üçün xüsusi hazırlanmış cizgi filmi nümayiş olunub.

 

Uşaqlar qonaqlarla birlikdə sanatoriyanın ərazisində gəzərək, müzakirələr aparıb və stigmanın bölünməsi, inkluzivliyin təşviq olması barədə məlumatlandırılıblar.