Aztibb.az Agentliyə istinadla xəbər verir ki, TƏBİB-in dəstəyilə keçirilən layihə bu dəfə Zaqatala Rayon Mərkəzi Xəstəxanasında təşkil olunub. Bakıdan dəvət olunan müxtəlif ixtisaslardan həkimlərin iştirakı ilə keçirilən müayinələr zamanı Zaqatala və ətraf rayonlardan olan 260 uşaq tibbi xidmətlərdən yararlanıb. Onlardan 1 uşağa bölgədə stasionar müalicə təyin olunub, 24-ü isə göndərişlə Bakıda fəaliyyət göstərən ixtislaşmış tibb müəssisələrinə yönləndirilib.

 

Layihənin icrası zamanı həmçinin neonatoloqlar üçün təlim və neonatoloji xəstələrin konsultasiyası təşkil olunub.

 

Qeyd edək ki, növbəti tibbi müayinələrin Daşkəsən, Şamaxı və Masallıda təşkil olunması nəzərdə tutulur.