Respublika Neyrocərrahiyyə Xəstəxanasına müraciət edən pasiyent uğurlu əməliyyatdan sonra ambulator müalicə üçün evə buraxılıb.
Bu barədə Aztibb.az-a Xəstəxanadan xəbər verilib.
Bildirilib ki, şiddətli baş ağrıları və qıcolma tutmaları şikayətlərilə tibb müəssisəsinə müraciət edən pasiyentdə müayinə nəticələrinə əsasən, sol alın payında ekstraaksial yerləşimli şiş toxuması (meningioma) aşkar edilib və cərrahi əməliyyat olunması qərar alınıb.
Həkim-neyrocərrah Ərəb Salihov, həkim-rezidentlər Şəhriyar Səlimli və Firuzə Yusifli tərəfindən yuxarı sağittal sinusun üzəri açılmaqla sol alın təpə nahiyədə kraniotomiya şişin total xaric edilməsi üzrə uğurlu cərrahi əməliyyat icra olunub.
Müalicəsi davam etdirilən pasiyentin vəziyyəti qənaətbəxş qiymətləndirilib və nevroloji defisitsiz ambulator müalicə üçün evə buraxılıb.
