Ümumdünya Diabet Günü münasibətilə Naxçıvan Muxtar Respublika Xəstəxanası Ordubad Rayon Mərkəzi Xəstəxanasında “Gələcəyə sağlam baxış” devizi altında tibbi aksiya keçirib.
Xəstəxananın həkim-oftalmoloqu Rəhmiyyə Əliyeva və endokrinoloq Aysel İsmayılova tərəfindən pasiyentlər endokrinoloji müayinələrdən keçiriliblər. Müşahidə olunan zob düyünlərinin biopsiyası və ultrason müayinələri aparılıb, şəkər xəstəlikləri və onların risk amilləri araşdırılıb, şəkərli diabet zamanı göz xəstəlikləri, həmçinin digər müayinələrdən keçirilib, onlara tibbi məsləhət və tövsiyələr verilib.
Aksiya müddətində 30 nəfər müayinə olunub. Xəstəlikləri aşkar olunanlara müalicə və eynəklər yazılıb, həkim məsləhəti verilib. Cərrahiyə əməliyyatına ehtiyacı olanlar isə Naxçıvan Muxtar Respublika Xəstəxanasına dəvət edilib.
Müayinə olunanlar belə bir nəcib aksiyanın keçirilməsini əhalinin sağlamlığına göstərilən dövlət qayğısının növbəti təzahürü kimi dəyərləndiriblər.
