Argentinada yeni doğulmuş 5 körpəni öldürməkdə ittiham olunan tibb bacısı ömürlük həbs cəzasına məhkum edilib.

Aztibb.az xarici KİV-ə istinadən xəbər verir ki, cinayət 2022-ci ilin mart-iyun aylarında Kordova əyalət xəstəxanalarının birində baş verib.

Brenda Sesiliya Aquero adlı tibb bacısı ümumilikdə 13 yeni doğulmuş uşağa insulin iynəsi vurub. Körpələrdən 5-i dünyasını dəyişib, 8-i isə həkimlərin vaxtında müdaxiləsi nəticəsində sağ qalıb.

Brenda məhkəmədə etdiklərini boynuna almasa da, dəlillər onun əleyhinə olub.

Yeri gəlmişkən, Argentina qanunlarına görə, Aguero vaxtından əvvəl azadlığa çıxmaq üçün azı 35 il həbsdə olmalıdır. Bundan sonra əgər müraciət edərsə, onun istəyinə baxıla bilər.