Sumqayıt Tibb Mərkəzinin (STM) Uşaq Xəstəxanasında maarifləndirici seminar keçirilib.

Mərkəzdən Aztibb.az-a bildirilib ki, STM-nin pediatrlarının iştirak etdiyi seminarı giriş sözü ilə açan Uşaq Xəstəxanasının baş həkimi Esmira Hüseynova bu kimi maarifləndirici tədbirlərin əhəmiyyətindən danışıb.

Sonra Azərbaycan Tibb Universitetinin II Uşaq xəstəlikləri kafedrasının dosenti Məleykə Kərimova "Uşaqlarda immun çatışmazlıqlarına differensial yanaşma" mövzusunda məruzə ilə çıxış edib.

M. Kərimova immun çatışmazlıqlarının əsas növləri, diaqnostik yanaşmalar və müalicə prinsipləri barədə ətraflı məlumat verib.

Məruzədə uşaqlarda bu xəstəliklərin vaxtında aşkarlanmasının əhəmiyyəti xüsusi vurğulanıb.

Qarşılıqlı fikir mübadiləsi şəraitində keçən seminarın sonunda auditoriyanı maraqlandıran suallar cavablandırılıb.