Cənubi Koreyada yenidən “quş qripi” kimi tanınan təhlükəli H5N8 virusuna yoluxma halı qeydə alınıb.

Aztibb.az xəbər verir ki, bu barədə ölkənin Kənd Təsərrüfatı, Ərzaq, Kənd İşləri Nazirliyi məlumat yayıb.

Məlumata görə, bu virus paytaxt Seul yaxınlığındakı İnçeon şəhəri ərazisində iki gün əvvəl tutulan köçəri ördəklərin peyinində aşkarlanıb.

Həmin yerin 500 metr ətrafında hər cür gediş-gəliş, habelə 10 km ərtafda kənd təsərrüfatlarına nəqliyyat bağlantıları məhdudlaşdırılıb.

Ölkədə səhiyyə təhlükəsizliyi tədbirləri artırılıb. Hazırda daha 6 şübhəli hala dair araşdırmalar aparılır.

Qeyd edək ki, bununla  il ərzində dördüncü dəfədir “quş qripi” kimi tanınan təhlükəli H5N8 virusuna yoluxma halı aşkarlanıb.