Kürdəmir Rayon Mərkəzi Xəstəxanasında 28 May – Müstəqillik Gününə həsr olunan tədbir keçirilib.

 

Xəstəxanadan Aztibb.az-a verilən məlumata görə, əvvəlcə xalqımızın Ümummilli Lideri Heydər Əliyevin və vətənimizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

 

Tədbirdə Kürdəmir Rayon Xəstəxanasının direktoru Elçin Bilalov, İnzibatı işlər üzrə müavin Hikmət Usubov, xəstəxananın gənc əməkdaşı Ofelya Şükürova çıxışlar ediblər. Çıxışlarda Azərbaycan Xalq Cümhuriyyətinin cəmi 23 ay mövcud olmasına baxmayaraq xalqımızın dövlətçilik tarixində silinməz iz qoyması, Şərqdə ilk demokratik və hüquqi dövlət nümunəsi kimi tanınması qeyd olunub. Bildirilib ki, məhz bu irs müasir Azərbaycan dövlətçiliyinin əsasını təşkil edir.