Bərdə Rayon Mərkəzi Xəstəxanasının təşkilatçılığı ilə Bərdə rayon Qaradırnaq kəndində yerləşən tibb məntəqəsində səyyar tibbi aksiya keçirilib.

Xəstəxanadan Aztibb.az-a bildirilib ki, aksiyanın keçirilməsində məqsəd TƏBİB-in və icbari tibbi sığortanın yaratdığı Xidmətlər Zərfi çərçivəsində təqdim olunan xidmətlərlə bağlı maarifləndirmə işləri aparmaqdır.

Aksiya çərçivəsində tibb müəssisəsinin müxtəlif ixtisaslı (laboratoriya, pediatr, terapevt, mama, kardioloq və s.) həkimləri tərəfindən vətəndaşlar müayinə edilib və onlara zəruri tibbi xidmətlər göstərilib.

Kənd sakinləri onlara göstərilən tibbi xidmətin səviyyəsindən razı qaldıqlarını bildiriblər.