Avstraliyanın Kvinslend əyalətində 2024-cü ilin noyabr ayından bəri melioidozdan ölənlərin sayı 31 nəfərə çatıb.

Aztibb.az-ın medimagazin.com.tr-yə istinadla məlumatına görə, Kvinslend ştatında palçıq hissəciklərinin inhalyasiyası və ya çirklənmiş su ilə təmas nəticəsində ötürülən xəstəlik olan melioidoz halları baş verməkdə davam edir.

Səlahiyyətlilər, ştatda melioidozdan ölənlərin sayının 31-ə çatdığını, ölkənin şimalındakı Taunsvil şəhərində də bir nəfərin öldüyünü bildiriblər.

2024-cü ilin noyabr ayında yağan güclü yağışların başlamasından sonra əyalət üzrə 221 yoluxma hadisəsinin qeydə alındığını deyən mütəxəssislər, yaşlıların, həddindən artıq spirtli içki qəbul edənlərin və xroniki sağlamlıq problemləri olanların risk qrupunda olduğunu vurğulayıblar.