Qazax Rayon Mərkəzi Xəstəxanasına terapevtik xidmətlər üzrə müavini təyin edilib. Mərkəzin terapevtik xidmətlər üzrə müavini vəzifəsi Nəsibə Mustafayevaya həvalə olunub.

Bu məlumat Aztibb.az-a Xəstəxanadan verilib.

Bildirilib ki, Qazax Rayon Mərkəzi Xəstəxanasının direktoru Afiq Fərruxov Nəsibə Mustafayevanı kollektivə təqdim edib.

Qeyd olunub ki, Nəsibə Mustafayeva 1975-ci ildə doğulub. O, 1993-1999-cu illərdə Azərbaycan Tibb Universitetinin Müalicə işi fakültəsində təhsil alıb.
1999-2002-ci illərdə Qazax Rayon Mərkəzi Xəstəxanasında terapevt işləyib. 2003-2021-ci illərdə Qazax Rayon Mərkəzi Xəstəxanasında travmatoloq-ortoped vəzifəsində çalışıb. Eyni zamanda, 2012-2021-ci illərdə Həkim Məsləhət Komissiyasının üzvü kimi fəaliyyət göstərib.

O, 2021-ci ildən yeni təyinatınadək Qazax Rayon Mərkəzi Xəstəxanasının Sığortanın təşkili və innovasiya şöbəsinin müdiri vəzifəsində çalışıb.