Abşeron Milli Parkında Ümummilli Lider Heydər Əliyevin anadan olmasının 102-ci ildönümü və “Konstitusiya və Suverenlik İli” çərçivəsində veloyürüş təşkil olunub.

Tədbir TƏBİB-in Pirallahı Tibb Mərkəzinin təşkilatçılığı, Abşeron Milli Parkının və 11 saylı Regional Ekologiya və Təbii Sərvətlər İdarəsinin dəstəyi ilə baş tutub.

Pirallahı Tibb Mərkəzindən Aztibb.az-a bildirilib ki, iki mərhələdə, eyni məsafə üzrə keçirilən yürüşə 100-dən artıq tibb işçisi və könüllü qatılıb.

Ulu Öndərin əziz xatirəsinə ehtiram, suverenliyimizin təntənəsinə qürur və sağlam həyat tərzinin təşviqi məqsədi daşıyan tədbir, iştirakçılar tərəfindən böyük ruh yüksəkliyi ilə qarşılanıb.

Sonda veloyürüş iştirakçılarına sertifikat və hədiyyələr təqdim olunub. Tədbir Şahdili turu ilə yekunlaşıb.