London Kraliça Meri Universitetinin tədqiqatçıları insanlarda iştahı tənzimləyən neyrohormonun yarım milyard ildən çox təkamül tarixinə malik olduğunu müəyyən ediblər.

Aztibb.az www.gazeta.ru-ya istinadla xəbər verir ki, "bombesin” adlı bu neyrohormon təkcə insanlarda deyil, dəniz ulduzları və digər dəniz canlılarında da mövcuddur. “Bombesin” ilk dəfə 1971-ci ildə odlu qarınlı qurbağadan (Bombina bombina) sintez edilib və onun məməlilərdə qida qəbulunu azaltdığı müşahidə olunub. Bu kəşf alimlərə bombesinin iştahı idarə edən neyrohormonların təkamül tarixində mühüm rol oynadığını düşünməyə əsas verib.

Araşdırmanın nəticələri "Proceedings of the National Academy of Sciences” jurnalında dərc olunub.

Mütəxəssislər “ArBN” adlı dəniz ulduzuna neyrohormonun təsirini araşdırıblar. Təcrübələr göstərib ki, bu, “ArBN” dəniz ulduzlarının mədəsinin daralmasına və qidalanmanın gecikməsinə səbəb olur. Bu, bombesinin qədimdən bəri heyvanlarda iştahın tənzimlənməsində mühüm rol oynadığını təsdiqləyir.

Tədqiqat yalnız neyrohormonların təkamülünü aydınlaşdırmır, həm də piylənmə ilə mübarizədə yeni dərmanların hazırlanmasına töhfə verə bilər.