Xəstəlik səviyyəsində olmayan, müəyyən ölçüdə diqqətsizlik uşaqlarda görülə bilən bir şeydir. Amma xəstəlik səviyyəsində diqqət probləmləri də vardır. Bunlar diqqət çatışmazlığı və hiperaktivlik sindromu olaraq görülür.

Aztibb.az uşaqlarda diqqət dağınıqlığının əsas əlamətlərini oxuculara təqdim edir:

Tapşırıqları yerinə yetirərkən tez-tez diqqətini itirir;
Mürəkkəb və uzunmüddətli işlərdə çətinlik çəkir;
Verilən təlimatları tam yerinə yetirmir;
Dərs zamanı və ya söhbət edərkən asanlıqla diqqəti yayına bilər.

Hiperaktivlik və impulsivlik:

Daimi hərəkət ehtiyacı hiss edir, sakit oturmaqda çətinlik çəkir;
Sırasını gözləməkdə çətinlik çəkir;
Tez-tez söz kəsmə və ya başqalarının suallarına cavab vermə meyli olur;
Riskli və düşünülməmiş hərəkətlər edir.

Uşağınızda bu simptomları müşahidə edirsinizsə, mütəxəssis pediatr və ya psixoloqa müraciət etmək vacibdir. Erkən müdaxilə uşağın akademik və sosial inkişafına müsbət təsir göstərə bilər.