Sumqayıt şəhər İcra Hakimiyyətinin başçısı Zakir Fərəcov 8 mart – Beynəlxalq Qadınlar Günü münasibətilə şəhərin sosial-iqtisadi, ictimai və mədəni həyatında fəal iştirak edən bir qrup qadını Fəxri fərmanla təltif edib.

Təltif edilənlər arasında Sumqayıt Tibb Mərkəzinin (STM) tabeliyində olan tibb müəssisələrində çalışan 15 tibb işçisi də var.

Mərkəzdən Aztibb.az-a bildirilib ki, mərasimdə STM-nin nəzdində olan Perinatal Mərkəzin qeydiyyatçısı Sədaqət Mustafayeva, həmin mərkəzin həkim-neanotoloqu Fəridə Əzizova, 1 nömrəli Şəhər Xəstəxanasının tibb bacısı Nailə Adıgözəlova, 2 nömrəli Şəhər Xəstəxanasının sanitarı Mətanət Əliyeva, 3 nömrəli Şəhər Xəstəxanasının anestezisti Ədibə Əlimuradova Fəxri fərmana layiq görülüblər.

Həmçinin, 4 nömrəli Şəhər Xəstəxanasının tibb bacısı Sevda Cəfərova, Təcili Tibbi Yardım Xəstəxanasının tibb bacısı Gülnaz Ələkbərova, Uşaq Xəstəxanasının həkim-infeksionisti İradə Qazıyeva, 1 nömrəli Ailə Sağlamlıq Mərkəzinin (ASM) ailə həkimi-terapevti Tahirə Hümmətova, 2 nömrəli ASM-nin tibb bacısı Zeynəb Liftiyeva, 3 nömrəli ASM-nin tibb bacısı Nişanə İsgəndərova, 4 nömrəli ASM-nin ailə həkimi-pediatrı Adilə Kərimova, 5 nömrəli ASM-nin maması Pəri Səmədova, 6 nömrəli ASM-nin təsərrüfat bacısı Cəvahir Nəsirova və 7 nömrəli ASM-nin ailə həkimi-pediatrı Xanım Abdullayeva şəhər rəhbərliyi tərəfindən mükafatlandırılıb.