Moskva Səhiyyə Departamenti Telegram kanalında bildirib ki, smartfonun şarj cihazından yanıq xəsarətləri olan 14 yaşlı uşaq xilas edilib.

Aztibb.az xəbər verir ki, enerji alan telefon üzərində yuxuya dalan uşaq arxası üstə yatarkən bədəninin yan nahiyəsindən, kürəyinin və sağ çiyninin bir hissəsindən birinci və ikinci dərəcəli yanıq xəsarətləri alıb. Hadisə nəticəsində yeniyetmənin bədən səthinin 8%-i zədələnib.

Həkimlər yaraların tez sağalması üçün əlverişli mühit yarada bilən bakterisid təsiri olan xüsusi sarğılardan istifadə ediblər. Artıq ilk sarğı dəyişiklikləri zamanı müsbət dinamika müşahidə olunub. Yaralar bir həftə ərzində sağalıb.

Telefonu şarjda ikən uşaq yuxuya gedib. Gecə saatlarında ağrıdan oyanıb. Anası uşağı çarpayısı yanarkən görüb və yanğını söndürə bilib. Sonra dərisini su ilə yuyaraq ilkin tibbi yardım göstərib.