ABŞ-dakı Pitsburq Tibb Məktəbinin mütəxəssisləri lamaların orqanizmindən koronavirusa qarşı güclü antikor fraqmentləri ayırmağa müvəffəq olublar.
Aztibb.az ria.ru-ya istinadən xəbər verir ki, bu barədə “Science” jurnalı yazıb.
Bildirilir ki, işin əsasını lamanın SARS-CoV-2 virusunun “sünbül” zulalının enjektə edilməsinə reaksiyasının öyrənilməsi təşkil edib. Alimlər virusun lama bədəninə yeridilməsindən iki ay sonra onun immunitet sisteminin SARS-CoV-2-yə qarşı yetkin nanokorlar ifraz etməyə başladığını müəyyənləşdiriblər.
Daha sonra tədqiqatçılar SARS-CoV-2 ilə ən güclü şəkildə birləşən nanokorları təyin ediblər. Onlar lamanın digər antikorlarına nisbətən daha təsirlidir.
“Nanokor” adlanan lama antikorları insan antikorlarından xeyli kiçikdir və koronavirusu daha tez zərərsizləşdirir. Bundan əlavə, onlar sabitliyi ilə xarakterizə olunur. Gələcəkdə onlardan COVID-19-un müalicəsi üçün dərmanlar yaradılmasımnda istifadə edilə bilər.
